Өстәмә курслар һәм түгәрәкләр
Дәрестән тыш өстәмә дәресләр, курслар һәм түгәрәкләр программасы критик фикерләү һәм коммуникатив күнекмәләрне үстерә, дөньяга үз карашы булган шәхес тәрбияли.
Шәхес тәрбияләүче дәресләр
Киләчәк зыялылар һәм лидерларга терәк булырдай белем
Әхлак дәресләре
Тәртипнең башы – әдәп. Гыйлемле, укымышлы балалар, иң беренче, чиратта әдәпле һәм дөрес әхлаклы да булырга тиеш.
Туган якны өйрәнү
Туган якның тарихын һәм географиясен белү аша дөньяга һәм туган илгә мәхәббәт тәрбиялибез.
Фәлсәфә
Фикерләргә һәм дөнья, кеше, җәмгыять турында көтелмәгән сораулар бирергә өйрәнү.
Психология
Рух сәламәтлеге һәм үзеңне танып белү – XXI гасыр кешесе өчен иң зур ихтыяҗлардан
Шахмат
Мантыйклы фикерләү һәм стратегия алымнарын белү булачак лидерларга һичшиксез кирәкле күнекмәләр.
Әдәби уку
Балаларның йөгерек уку дәрәҗәсен арттырабыз һәм матур әдәбиятка мәхәббәт тәрбиялибез.
Сәнгать түгәрәкләре
Иҗади сәләтләрне ачуга зур игътибар бирелә
Фортепиано
Фортепианода уйнау серләренә төшенәләр һәм Сәнгать мәктәбенең фортепиано сыйныфын тәмамлыйлар.
Баян
Кызыксынучы балалар баян сыйныфында шөгыльләнәләр һәм шулай ук Сәнгать мәктәбенең рәсми сыйныфын тәмамлыйлар.
Бию
Гимназия-интернатның үз белгече алып бара торган бию түгәрәгендә халык һәм эстрада биюләрен өйрәнәләр, гимназия ансамблендә чыгыш ясыйлар.
Вокал
Үз белгечебез җитәкчелегендә шөгыльләнүче укучылар гимназиянең даны булган вокаль ансамблендә катнашалар.
Нәфис сүз
Шагыйрь, Татарстанның Габдулла Тукай исемендәге Дәүләт бүләге иясе Мөхәммәт Мирзаның гимназиядә үз укучылары бар.
Театр
Театр түгәрәгенә йөрүчеләр актерлык сәләтләрен ачу белән беррәттән, үзләрен төрле ситуациягә куеп карыйлар һәм импровизациягә өйрәнәләр.
Телләр һәм фәннәр
БДИ һәм ТДИ тапшырыла торган барлык фәннәр буенча өстәмә курслар һәм дәресләр эшли
Төрек теле
Кардәш төрки телләрне белү 200 млнга якын кеше белән аралашырга мөмкинлек бирә.
Инглиз теле
Глобаль җәмгыятьнең төп телен мәктәп программасыннан тыш та өйрәнәбез
Гарәп теле
БМО рәсми телләренең берсе булган гарәп телен белү тарихи мирасыбызны тирәнрәк аңларга ярдәм итә.
Спорт
Дәресләрдән һәм гомуми күнегүләрдән тыш спорт белән шөгыльләнергә теләүчеләр өчен
Футбол
Кече һәм өлкән төркемнәргә йөрүче егетләр тәҗрибәле остаз җитәкчелегендә футбол тибү күнекмәләрен үстерә.
Бассейн
Атна дәвамында һәрбер сыйныф укучысы «Дулкын» бассейнында тренерлар белән шөгыльләнә.
Дөнья халыкларының уеннары
Спорт уеннары файдалы да, кызыклы да булырга тиеш. Бу дәресләрдә укучылар төрле халыкларның хәрәкәтле уеннары белән таныша.
Яңа күнекмәләр
Өстәмә курслар балаларга яңа заман белемен бирә
Журналистика: «Ак җилкән»
Түгәрәккә йөрүчеләр чын журналист белергә тиешле гыйлемне үзләштерә.
Видеомонтаж
Youtube'ны яңгыратырлык видеолар монтажларга өйрәнәбез.
Arduino
Электрон конструктор ярдәмендә үз җайланмаларыбызны ясыйбыз.
© 2020 Сәләтле балалар өчен гуманитар гимназия-интернат
